Eronga gumanitar yordam yuboriladi

Eron Islom Respublikasiga insonparvarlik yordamini yuborish toʻgʻrisida Hukumat farmoyishi (140-f-son, 12.03.2020-y.) qabul qilindi.

Farmoyishga koʻra, Eron Islom Respublikasi hukumatining koronavirus kasalligi tarqalishini bartaraf etish uchun zarur buyum va vositalar bilan taʼminlashda yordam koʻrsatish yuzasidan murojaatini qoʻllab-quvvatlash, ushbu infeksiyaga qarshi kurashish boʻyicha birgalikdagi saʼy-harakatlarni kuchaytirish maqsadida Eronga quyidagi tibbiy buyumlar shaklida insonparvarlik yordami yuboriladi:

- bir martalik steril tibbiy qoʻlqoplar;

- himoya qiluvchi kombinezon;

- maxsus tibbiy forma;

- tibbiy niqoblar;

- tibbiy doka;

- tibbiy spirt;

- gigiyenik gel;

-“Rutan” tabletkalar.

Insonparvarlik yukini kuzatib borish va topshirish uchun Eronga favqulodda vaziyatlar vazirining oʻrinbosari boshchiligida Oʻzbekiston delegatsiyasi yuboriladi.

O‘zbekiston Respublikasi Adliya vazirligi telegram kanali