Finlandiyadagi O‘zbekiston fuqarolari parlament saylovida muddatidan oldin ovoz berishni boshladilar
2019-yil 14-dekabr kuni soat 9.00 da (Toshkent vaqti bilan 12.00) Helinski shahrida Topeliuksenkatu 6, 00250 Helsinki manzilida joylashgan shahar kutubxonasi binosidagi “Yulduz” madaniyat markazida Oliy Majlis Qonunchilik palatasi sayloviga muddatidan oldin ovoz berish boshlandi.
Kuni kecha Estoniya hududida bo’lib turgan fuqarolarimiz Tallin shahrida o‘z saylov huquqlaridan foydalandilar.
O‘zbekiston MSK qaroriga muvofiq, Elchixona huzurida Oliy Majlis Qonunchilik palatasiga saylov bo‘yicha 147-sonli To‘qimachi saylov okrugiga biriktirilgan 38-sonli saylov uchastkasi tashkil etilgan. Ushbu saylov uchastkasi Elizabetes ko‘chasi 11-11 manzilida joylashgan. Теl: +371 6732 2346, +371 2924 1047. Elektron pochta: embassy@uzbekistan.lv.
Fuqarolarimizning saylov huquqlarini ta’minlash maqsadida quyidagi shaharlarda muddatidan avval ovoz berishni tashkillashtirish rejalashtirilmoqda:
Riga shahrida – 2019-yil 16-dekabr kuni (payshanba) soat 9.00dan 18.00gacha Riga shahri Elizabetes ko‘chasi 11-11 manzilida (O‘zbekistonning Latviyadagi Elchixonasi binosi);
Vilnyus shahrida – 2019-yil 18-dekabr kuni (chorshanba) soat 09.00dan 18.00gacha Naugarduko g.76, LT – 03202 manzilida (“Madaniyat uyi” binosi, “O‘zbek madaniyat markazi”).
