O'zbekiston Respublikasining Dubay shahridagi Bosh Konsulxonasi

Toshkentdagi davlat ulushi mavjud jamiyatlarning 6 tasi sotildi

“Faiz sharob savdo” MChJ, “Bezak” MChJ, “4-sonli stomatologiya poliklinikasi” DUK va boshqalar.

Toshkent shahridagi davlat ulushi mavjud jamiyatlarning 6 tasi sotildi, xabar beradi Davlat aktivlarini boshqarish agentligi.

30-sentabrdan 11-oktabrga qadar E-ijro auksion elektron savdo maydonchasi orqali quyidagi davlat mulki obyektlari investor va tadbirkorlarga sotildi:

Obyekt nomi	Davlat ulushi
“Faiz sharob savdo” MChJ	100%
“M.Ulug‘bek tuman hududiy ixtisoslashgan sharob-savdo bazasi” MChJ	100%
“Uchtepa sharob savdo” MChJ	100%
“4-sonli stomatologiya poliklinikasi” DUK	100%
“Bezak” MChJ	17,5%
“O‘zimpeksaloqa” MChJ	51,9%

Vazirlar Mahkamasining sentabr oyidagi qarori bilan 63 ta jamiyatdagi davlat aksiyalari (ulushi) paketi ustuvor huquqlar qoʻllanmagan holda ommaviy savdolarga qoʻyilishi belgilandi. Ular orasida “Ipak Yo‘li” banki (0,41%), “Chotqol” MChJ (12,50%), “Baxmal agro silver” MChJ (16,20%) oʻrin olgan.

Ilgari Spot davlatning fevral oyida “Uzbekistan” mehmonxonasidagi, sentyabr oyida “Andijon yog‘-moy” AJ ustav kapitalidagi ulushi sotuvga qo‘yilgani haqida xabar bergan edi.

Spot.uz