Birlashgan Arab Amirliklari Ishbilarmon ayollar kengashi raisi Farida Abdulloh Kamber Al Avadi boshchiligidagi delegatsiya Mustaqillik kuni bayram tantanalari chog’ida O'zbekistonga tashrif buyurdi

Dubay va Shimoliy Amirliklaridagi O'zbekistonning Bosh konsulligi ko'magida Birlashgan Arab Amirliklari Ishbilarmon ayollar kengashi raisi Farida Abdulloh Kamber Al Avadi boshchiligidagi delegatsiya  Mustaqillik kuni bayram tantanalari chog’ida O'zbekistonga tashrif buyurdi. 2019 yil 2 sentyabr kuni delegatsiya a'zolari Human House art galereyasida O'zbekiston ishbilarmon ayollari uyushmasi va O'zbekiston Respublikasi Turizmni rivojlantirish davlat qo'mitasining investitsiyalar boshqarmasi vakillari bilan uchrashuv bo'lib o'tdi. Mehmonlarga bugungi kunda o'zbek ayollarining biznesdagi yutuqlari haqida so'zlab berildi. Shuningdek, ular tadbirkor ayollarning har ikkala hamjamiyati faoliyati bilan bog'liq masalalarni muhokama qildilar. Tomonlar ikki mamlakat ayollarining qo'shma loyihalari va forumlarini tashkil etish niyatlarini bildirdilar. Delegatsiya a'zolarini bitta yirik ishbilarmon ayollar uyushmasiga birlashtirish, birgalikda ishlash va hamkorlikka taklif qilishdi.

Shu kunning o’zida delegatsiyani Xotin-qizlar qo'mitasi raisi Elmira Basitxonova qabul qildi. Suhbat chog’ida Elmira Basitxonova “ikki davlat rahbarlari erishgan kelishuvlar mamlakatlarimiz o'rtasidagi hamkorlikning mustahkam huquqiy asosidir”, deb ta’kidladi. BAA delegatsiyasi vakillari O'zbekistonda ayollarga jamiyatning barcha jabhalarida ishlashlari uchun keng imkoniyatlar yaratib berilganini ta'kidladilar. Muzokaralar yakunida ikki mamlakat tadbirkor ayollari o'rtasidagi hamkorlikni yanada kengaytirish hamda ayollar ishbilarmonchiligini yanada rivojlantirish bo'yicha anglashuv memorandumi imzolandi.

Shuningdek, chet ellik mehmonlar Buxoro va Samarqandga tashrif buyurib, u erda hunarmandlarimizning gilam to'qish, xon-atlas va boshqa ipak matolar ishlab chiqarish faoliyati bilan yaqindan tanishdilar. Shuningdek, delegatsiya vakillari milliy va musulmon liboslarining mahalliy dizaynerlari bilan uchrashdilar. Amirlik mehmonlarida O'zbekistonga ilk tashrif juda yoqimli taassurot qoldirdi, chunki ular bizning boy tarixiy va madaniy merosimizdan, iqlimimiz va mehmondo'stligimizdan mamnun bo'lishdi va yaqin fursatda jannatmakon mamlakatimizga qaytish niyatlarini bildirdilar.